Brow Brow

Wohoo~~ 
Hello 大家好，黎個簡短既自介先！

我叫Joanna～
黎緊會同3條傻西瓜去絲綢之路，話哂成世人流流長都未試過去咁耐旅行，雖然係番大陸(鬼叫你窮？)，但係相信今次既長征一定驚險又剌激!!! 無奶油唔打番個blog記念下既!!!!
(點知大陸翻唔到牆，第一日已經打唔到blog :0) #此blog已完

唔會既!!!!!! 

由於我地聽日就出發～咁係出發之前，就等我打下準備心得啦～
詳細既交通同budget, 係 [絲綢前準備 (二)] 會講

首先要plan 路線，我地今次既路程由西安出發，到烏魯木齊，然後再順便玩埋新疆
大概路線：

香港 -> 深圳 -> 西安 ->  天水 -> 西寧 -> 青海湖 -> 張掖 -> 嘉峪關 -> 敦煌 -> 哈密 -> 吐魯番 ->烏魯木齊 -> 伊寧 -> 昭蘇 -> 特克斯 -> 克拉瑪依 -> 布爾津 -> 喀纳斯 -> 乌鲁木齐 -> 深圳 -> 香港

中國咁就cross左一大半

點解唔直接由香港飛西安？因為深圳飛平d
姐有的是時間!!! 

plan完路線，就要plan景點，搵包車，跟住plan埋預算同交通。
由於其餘3條傻西瓜既學習schedule比較緊迫，無暇顧及哩d細project，於是我便一條友，無錯!!! 係一條友差唔多plan哂成個trip... 

唉就出發喇…前一日先汁行李就常識啦，但真心都有d淆淆地…

身為女仔既我第一淆梗係黎m啦，我計過黎戈幾日咁岩係遊青海湖，到時荒山野嶺無廁所真係好q麻煩

第二淆就係新疆個包車師傳，我地一共搵左三個師傳包車，分別包遊青海湖、敦煌西線同新疆。頭兩個師傳上網睇評語都幾放心，但新彊個師傳叫朱虎，本身係搵佢，但佢咁岩戈幾日有客就介紹左佢另一個朋友比我地。但我問極佢拎佢朋友電話都唔比，又唔肯講名（因為諗住上網search下），話到時親自接我地先介紹個frd比我地識… 你話係米淆先!?

另外就係新疆安全問題，不過我都無乜點驚既，係最驚個司機伏姐…（同埋佢都收得幾貴）
有無人知個師傳乜料？？

唔理lu~ 訓個靚覺聽日出發！一切隨緣啦～