Brow Brow

好喇而家就詳細交代下今次26日絲路既交通(not include包車, 會另外出post) 同budget啦

Budget 方面（每人），
機票 HK$2,600
火車票 HK$3,000
住宿 HK$2,100
食野 HK$2500
景點＋當地交通 HK$4,600
包車 HK$1800

由於計算方法比較複雜，有興趣可以pm
機票同酒店就係Ctrip 訂既 (http://www.ctrip.com.hk/), 因為Ctrip係大陸比較出名
但伏既位係佢機票比完錢得寄封email比你，跟住乜都無講，成個process我完全唔知有冇飛機餐同免費托運，
重點係淨係Ctrip會寄封email比你，個航空公司係完全無email confirm, 上佢地個網又check唔到喎，令我勁淆張機票係fake會登唔到機
跟住比我check check下發現原來Ctrip所有航班都會有免費托運20kg，同有會有野食
然後去到機場搵番間航空公司隊張回鄉卡比佢就得

另外一個伏位係大陸d酒店原來係唔洗用信用卡預訂/擔保
成個process你只需要填個名同電話
令我好confuse究竟間酒店係米真係訂到 lol
結果原來真係訂到咖yay!!!!! 


成個trip budget係每人 HK$16,600 到
而實際支出係每人 HK$14,800 左右，竟然仲低過個budget loll
因為大陸食野真係好很好很好很平，平均8蚊一碗牛肉麵，貴既都係20蚊左右，如果你aim at填飽個肚，廿蚊係可以食到你勁飽
咁當然我地係不計成本食盡絲路美食啦lol

不過其實我地都未算最窮遊既～
雖然我地有幾晚係訓火車，但只有一晚係住hostel，其他都係住賓館/ 酒店，平均都只係70蚊晚（每人）

令我地慳得最多錢既係入場卷！！！絲路d特色景點既入場費真係唔係路，都成幾舊水人仔一個人，但原來我地係有學生優惠!! 一律半價!!!!
但去到新疆既景點例如烏魯木齊，用唔用到學生優惠真係好睇賣飛個姐姐既心情
佢一時又話用得，一時又話只接受一本簿咁既學生證，唔接受卡類既學生證，要我地尊重佢地文化喎，
跟住轉個頭再問下，又用得喇喎
心諗你都幾random 咖喎

攻略
如果已經畢左業既朋友但又想慳錢點算！？
答案係大家只要係淘寶提供一張相同姓名，哂十幾廿蚊就可以整到一張為期唔知幾多年同唔知係真定假既大陸學生證
拿唔關我事咖，我只係見到有人用哩個方法又得左咖炸！LOL

好喇到交通方面，

市內交通
番大6上唔到google ge人都知道大陸係絕對唔適合用google map架
就算你係香港用google map睇大陸地圖/搵交通都係一樣
所以我建議大家用百度地圖，除左交通時間會吹大幾粒鐘之外，佢d交通公具路線都幾可靠
因為絲路d地方無乜地鐵（而家慢慢起緊），所以基本程程都係搭公交(咁你有錢/唔想煩搭的士除外啦)
由於我地無買上網卡，
於是我係出發前好有耐性咁用左幾十個鐘(無吹大，真係幾十個鐘) mark底所有景點應該搭咩公交，搭幾個站咩站落車同點行去個公交站

攻略
我衷心建議大家出發前死都要買張上網卡咁臨搭車前check 一check百度地圖就可以輕鬆知道等陣應該係邊度搭咩車
咁就唔洗好似我咁出發前plan 咁q耐 逐個景點咁同你慢慢搵

市外交通
市外既話我地多數都係搭火車～

香港 -> 深圳機場：直通巴
深圳-> 西安：飛機
西安 ->  天水：火車
天水 -> 西寧：火車 (訓火車)
西寧-> 青海湖：包車
青海湖 -> 張掖：包車
張掖-> 嘉峪關：火車
嘉峪關-> 敦煌：火車 (訓火車)
敦煌 -> 哈密：大巴
哈密-> 吐魯番北：高鐵
吐魯番北->烏魯木齊南：高鐵
烏魯木齊南-> 伊寧：火車 (訓火車)
伊寧-> 昭蘇 -> 特克斯 -> 克拉瑪依 -> 布爾津：4日包車
布爾津 -> 喀纳斯：中巴
喀纳斯 -> 乌鲁木齐：大巴（訓大巴）
乌鲁木齐 -> 深圳：飛機
深圳 -> 香港：大巴

攻略
1. 火車買硬卧is enough，因為其實硬卧都好軟。
2. 敦煌到哈密無火車可以到，所以只可以搭大巴。搭長途大巴建議要提早買飛，因為哩d大巴通常一日得兩班，full左就拜拜喇。不過我今次去個大巴唔full無乜人，所以如果時間緊迫可以早d到即刻去買。敦煌到哈密大巴每日只有兩班，係朝早9點同晏就唔記得幾點，係敦煌汽車站開出，坐6個鐘。

3. 大陸如果要搭長途大巴通常會統一哂係某個地方搭，個地方叫XX汽車站/ XX客運站。例如我想係哈密搭大巴，你只需要同個的士佬講想去哈密汽車站就ok。

4. 以下有三條link可以比你check大陸長途大巴資料，通常如果無火車去到都會有大巴去：
http://www.lu35.com/che/
http://www.piaojia.cn/changtu/
http://www.keyunzhan.com/qicheshikebiao/

5. 如果要去吐魯番，買火車飛要買去吐魯番北，千期唔好買左去吐魯番站。吐魯番北係高鐵站，係岩岩起好既，比較近吐魯番市。但相反吐魯番站係火車站，距離個市勁勁勁勁勁遠，落左火車飛的都要飛你幾粒鐘先到市區。

6. 買火車飛可以上http://www.12306.cn/mormhweb/ 訂，要申請個ac, 但要有大陸電話no.先申請到，佢會send個驗證碼去你大陸電話然後要你填番，我就搵左我大陸親戚幫我收驗證碼。有大陸電話都未得住，買飛唔可以用visa, 一定要用銀聯。仲有一個人只可以幫最多4個人買飛，如果多過4人，你就要申請多個ac。重點係你如果要買多過4張飛，你首先要拎住你要買飛戈4個人既回鄉卡（驗證既話一定要正本）係羅湖火車站既窗口親身進行驗證，先可以繼續係網上訂飛。訂完飛後，你係要上番羅湖火車站既窗口道取票，如果你唔係取係羅湖火車站出發既票，你係每張要比多＄5手續費…

係米覺得好麻煩呢？雖然上面所有procedure我都做過哂，但我發現原來係唔洗咁傻豬咖!!!!!!
本身要咁煩上網訂飛係因為網上可以提前兩個月買飛，而窗口只可以提早唔知十幾日買。因為通常一到旺季d飛就會比人搶哂，所以唯有迫於無奈上網同人搶…但當我上到深圳拎飛既時候，個姐姐同我講原來窗口改左可以提早60日買飛，所以只要一次過拎住所有人既回鄉證（好似影相都得）直接去窗口道買飛然後順手出埋飛咁就搞掂，完全唔需要上網搞任何野。

咁雖然我上網訂左4張飛，但我都好醒咁即刻買埋淨底既所有飛，出埋票仲驗證埋，簡直一舉三得。

7. 如果你唔想上深圳買火車飛都得，你可以叫中旅舍幫你買，但一張飛要比＄50手續費。但心諗當張飛30蚊既時候，你無理由比＄50手續費佢瓜？

真係買左好多飛…