今日係我地成個行程入面第一次全日睇風景。今日既行程都相當緊湊:
茶卡鹽湖 -> 大冬樹山 + 祁連山上的環山公路 -> 宿祁連縣農家樂(經剛察縣)
全日既境點唔多, 但我地要行既路程有成幾百公里, 差唔多圍住個青海湖一周咁行。
講返個青海湖, 原來佢面積有成4個香港咁大!
一路上我地都有D擔心, 因為鹽湖同埋青海湖都係要係天氣好既情況下先靚, 如果個天陰/落雨基本上就同普通湖無分別
好彩天公總算造美, 今日個天雖然唔算好好太陽, 但至少都無落雨, 於是我地出發去睇鹽湖啦!
由於未到6月份既關係, 茶卡入面有個好出名既鹽湖仲未開, 所以我地去左佢格離既另一個鹽湖參觀 入場費係$50 + $10租水鞋費
其中$10水鞋費係強烈建議要比的 唔係既話就無得行落去個鹽湖度影靚相啦!
鹽山
天空之鏡
由於水入面既鹽份好高, 令到湖面既反射率高到成面鏡咁, 置身其中, 就好似走左入一個夢幻國度咁, 已經分唔清邊度係天, 邊到係湖
除左拍一輯高質既寫真外, 當然唔少得係個鹽山上拍D搞笑圖啦!難為左馬師父成個朝早等到我地12點先肯出黎呢
天崩地裂!
姜太公釣魚
使出真功夫,方為大師傳
離開左鹽湖之後, 我地就向今晚我地住宿既祁連縣進發, 沿途我地要越過壯麗既祁連山, 係迂迴曲折既山路上奔馳, 既驚險又刺激
好彩隨住時間既變化 天上既天氣都慢慢變得晴朗, 漸漸青海湖呢粒高原藍寶石係陽光既暉映下綻放出自己應有既光笀, 令我地呢班路過人士眼前一亮, 不枉此行
今日終於都好天!
那些年 我們一起去過的青海湖 & 與馬師傅合影
動起來!
之後我地就向祁連山的高山進發, 花左個零鐘既車程之後, 剛才係青海湖既盛夏氣息完全褪去, 茫茫既積雪映入眼簾
我地終於黎到呢個TRIP既最高點 - 海拔4120米!
公路上的七彩藏幡
連「綿」不絕
4120 I am coming!
海拔每1000米溫度就會降6度, 雖然而家已經步入夏天, 但係4000幾米既海拔之上, 空氣既溫度明顯只有幾度,
衣服單薄既我地不敢戀戰, 打完個卡就即刻返入去車
白茫茫既雪係陽光既照射下比我既感覺就好似係威嚴既寒冬之中帶來既一片生機, 同剛才波光粼粼既青海湖係兩種唔同既特色
而越過一座座披上白衣既高山之後, 出現係眼前既係春天既氣息。一棵棵高聳的樹木形成一大片綠色既植坡, 遍佈係祁連山山腰的位置
由盛夏走入寒冬, 再由寒冬走進山機勃勃既萬物之春, 都不過係一個下午既時光, 過程中雖然溫差好大, 但比我地既感覺卻係一生難忘
最後我地終於趕係晚上8點太陽落山之前去到祁連縣, 當私家車開入縣城既時候我地仲有幸可以近距離見到一大堆羊咩咩經過, 為我地今日既難忘之旅留下一個完美既句號
留言列表