Brow Brow

今日係出發去絲路既第一日！！
其實正確d黎講，應該聽日先叫Day 1～
因為我地係夜晚機，所以飛到西安已經夜晚11：30，都唔會去到咩景點lol

上篇提過，因於價錢既關係（話哂係窮遊），所以我地決定由深圳飛去西安（如果由香港飛都幾貴下）
我地好似成世人未去過旅行咁，加上又要預時間過關，
於是我地驚死遲到咁早左勁～多出發

等我講下出發前checklist 啦～
因為我地會玩埋新疆，所以今個trip ge溫差係由3度－65度（火焰山），真係一年4季都比你玩哂
除左背心短褲外，我仲帶左幾件保暖衫褲同暖包
我建議大家如果去既話真係帶番件厚褸
一向怕凍既我真係凍到我鼻甩

除此之外，當然要買電話卡啦！
識玩一定係去成個月旅行都堅持唔買上網卡
一黎可以令大家專注旅遊，唔好淨係掛住上網up相打機～
二黎就係可以增加旅行既挑戰性，係人生路不熟又周圍無wifi既情況下橫衝直撞，一舉兩得！;D

唉真係痴媽筋，唔知邊條hihi話大陸好多上網卡叫我地上到去先買
我hi，上到去發現原來只有省內用既上網卡賣，係無可以全國通用既卡
仲要竟然連開到周街都係既中國聯通都無上網卡賣
好彩我一早search哂交通姐，
唔係你地班友仆哂街啦!!!?
所以我建議唔係好識搭車既朋友係鴨寮街買定全國通用既上網卡先好出發

於是，我地好霸氣咁無買旅遊保 ＋ 成個月都係靠賓館wifi黎生存。。。

好喇等我介紹下今次旅程既團友先！！
我地4個都係大學莊友，有我(joanna)，葉生(左)，老立(中)，同6k(右)。

我地由九龍塘出發，搭大巴直達深圳機場
然後就正正常常咁過安檢登機啦～
跟住緊張又刺激既絲路正式開始!!!

明明仲一路傾緊計，過完安檢一令轉頭，
咦？唔見左6k既！！！？
「喂你岩岩唔係係佢前面咖咩!!?」
「佢有無比過身份證條友check？」
「佢唔係唔見左張回鄉證入唔到黎下話!?」
「可能比人打左尖未排到入黎呢～」
「咁等多陣囉」

我地等呀等 等呀等…
「佢岩岩排正我地後面咖喎！比人打10分鐘尖都未入到黎！？」
「電話又無人聽…」
「定我地岩岩比人搜身搜得太耐，佢一早走左去登機呀？」
「咁我同葉生去登機口搵搵，你企係道繼續等啦，電聯。」

於是我同葉生就拼命跑去唔知點解死都要係最前要我地行最耐既gate
然後一路勁擔心，
「如果佢真係唔見左張回鄉證咁點算，個trip未開始就咁刺激lol」
「如果佢比人捉左，都唔知點同伯母交代…」
((( 我地好似越諗越worse lmao )))

當我地跑到喘哂氣 仲差半分鐘就跑到去個gate既時候，我電話響起
「搵到喇！搵到喇！」
「我屌！你唔好等我跑到去先打黎？」

哈哈哈哈!!!!!! 原來6k係check身份證既時候比人帶走左，話check到佢托運個backpack道有鋰電磁(尿袋)…
因為條友要開佢個backpack係咁check，然後6k又要好細心＋慢條斯理地用行李繩綁番埋佢個袋（因為驚d野會飛出來，但之後證實係綁左都會飛）
所以就聽唔到電話＋搞左勁耐lollll

終於，我地搭左3個幾鐘機就到咸陽，俗稱西安喇～ :P