Brow Brow

行程：大雁塔北廣場、大雁塔的南廣場 -> 陝西歷史博物館 -> 古城牆 -> 書院門 -> 鐘樓、鼓樓 -> 回民街

由於尋晚好夜先到西安，所以今日實際上係我地第一日既旅程

於是我地就諗住一早起身，一日ko 市內既景點，然後聽日就可以輕鬆去睇兵馬俑

但又由於我地既團友都係瀨床怪，醒目既我硬係一早較定鬧鐘，由830響到930，大聲到門口都聽到LOL

可惜我其實 6點已經比樓下班hihi嘈醒
 

我地既青年旅舍位於北廣濟街，樓下係一條美食街

唔知大陸人係米特別多早睡早起既習慣，我6點就聽到樓下食早餐既歡笑聲...
真係唔明點解d大媽把聲可以咁刺耳, 明明係普通對話, 都可以講到嗌交咁
 

但d嘈音都完全無阻戈3位瀨床怪訓教既決心，佢地竟然可以熟睡到扯哂鼻寒，真係O哂嘴

由於樓下係一條美食街，所以我地一起身就落街買左個大蛋餅做早餐

咁大個蛋餅只係4蚊人仔，我諗哩道食野一日100蚊都可以食到好很飽

之後我地去左大雁北廣場同啲呀婆做神運

然後身為文青既我地就輕鬆行去陝西博物館認識下西安既歷史

我岩岩先發現原來西安以前係長安同咸陽

本來諗住9行，點知行行下比我啲發現有個導遊好似有啲料到，於是我地就扮佢團友，一直聽佢講解lol

本身由幾個團友，跟跟下變左幾十人，我feel到佢都O左嘴

但真心有導賞同無導賞係好大分別，聽佢講故事真係開心好多！

跟住我地就去左鐘樓～做學生真係好正，好多飛都有半價!! 我地仲上左樓頂睇中樂表演

之後就去左鼓樓同西安必去既回民街

回民街係西安一條好出名既美食街，但由於係人都會去，戈道啲野唔算抵

不過我地都掃左唔少野，然後hea hea地諗住行到咁上下就閃

點知啲街四通八達，行行下無啦啦行番去hostel!!! 原來樓下幾條美食街都係互相連住LOL

跟住諗住仲有時間，就去埋古城牆

本身以為戈道淨係得一道牆，同埋尋日搭的士番hostel時又經過，就諗住當睇左唔去

Hi原來條城牆都堅堅地，成13km，圍住成個長安城！重點係上面要有得踩單車 限時兩粒鐘

(3條傻佬係我影緊相既時候衝左上去迫我幫佢地揸機)

立爺吹到兩粒鐘可以輕鬆圍住城牆踩幾個圈，所以頭一個鐘米諗住踩下停下影下相。。。

點知踩左一粒鐘先發現原來先踩左1/4!!!!! 我地即刻爆seed, 最後一粒鐘終於成功踩番起點，mission completed :p

但踩完之後個個腳軟

之後當然番hostel 抖下然後打算落街食宵

話說我地尋晚落機狗衝搭的士番hostel時，無意中發現樓下大馬路邊有街邊檔，啲野食又平又正！（而美食街所有鋪頭都閂哂）

由於唔知啲大排檔幾時開，於是我地三顧草廬，930落到去未開檔，11點再落去岩岩開檔，最後係hostel玩陣牛頭王，凌晨1230落街就乜都ready哂!!!

好彩我地尋晚咁夜落機先發現到哩道既大排檔，
哩道既炒麵同串燒真係足以令我地回味整條絲路
 

羊肉串只係$2一條，一碟炒麵（夠兩個人食）都只係10蚊。

好！聽日去睇兵馬俑！