Brow Brow

由於我太懶所以我搵左我助手兼友之一葉生幫手我打blog
哩篇就係佢打既第一篇blog lah~~ 

(Written By 葉生)

行程：
麥積山石窟 -> 仙人崖 -> 伏羲廟 -> 玉泉觀

終於黎到今次行程既第二站 ﹣ 天水啦！

為左唔會影響行程，我地選擇左坐零晨五點鐘既硬卧火車，車程大約兩個幾鐘
因為怕過安檢要好多時間（問過職員話要45分鐘），所以我地3點9就彈起身坐的士到西安火車站..
點知原來大陸零晨既火車站係好靜, 我地4點半入閘, 用左唔夠5分鐘就完成左安檢  搞到仲要係個閘入面等半個鐘

（入閘前食番個早餐定宵夜）

直到5點19分, 我地終於坐上左絲路以來第一班既火車
因為太眼訓既關係 上左車唔夠半個鐘我地個個都訓著哂lol
我地係買硬坐飛，但原來都好舒服

出左閘之後, 我地就即刻係火車站入面既行李托管度寄存行李，因為我地本身陣係預係天水玩一日, 到凌晨2點幾就會坐火車去西寧

內地每個火車站都一定會有行李寄存, 收費為細行李袋$10/日, 大行李/喼就$15/日
一日係指由你寄存當日開始去到凌晨12點，佢係24小時服務，但過凌晨12點就當寄存兩日

寄存左行李之後 我地就出發去呢度最出名既景點 - 麥積山石窟

麥積山石窟距離市區有成個鐘車程，去果度可以搭34號公交, 而總站地點就係火車站一出黎既右手邊

石窟建於北魏時期, 係世界文化遺產之一。直到明朝以來, 每個時期都不斷有人將佢修葺、加建

公交落站位置同石窟仲有一段2-3km既距離, 年青力壯既我地緊係選擇哂錢搭車而死都唔行上去
有需要既人都可以考慮行上去 
可惜區間車只會送到去入口 而入口同石窟山腳位置都仲有幾百米既距離

終於到左山腳底 準備爬上去

呢到大大小小都有幾百個窟, 每個窟入面都會有佛像
但為左表示尊重，我地無影到入面d佛像

上到最高既位置就可以飽覽 景區四周的風景 不過千期唔好向下望 包你腳震

最吸引人既當然就係呢個幾十米高既懸壁佛像 佢一隻耳仔都高過我成個人

參觀完石窟之後 我地就打算去埋隔離既仙人崖景區

正當我地打算行路過去既時候, 我地發現原來景區既地圖係唔跟比例!

原來行過去要成10幾公里… 但大陸d地圖係完全無scale

終是我地就行返3km落去景區大門口果度坐區間車去仙人崖，每位8蚊

不過仙人崖我並唔建議大家去 佢話咩國家5A級景點 但個人覺得只係一個好普通既湖同埋一堆山

湖水並唔係好清 如果就咁去或者仲OK 但如果去完石窟之後再去就會完全覺得兩個地方差好遠

不過我地既然黎到 當然要遊下湖 所以就每人比左15蚊坐快艇遊湖一周

係湖中心hea緊 佢60蚊只係比你遊一個圈 所以我地特登叫個司機停係度dump佢波鐘

完左之後我地上左架「37號公交加班車」, 無錯, 係「加班車」
所以話 內地人搵錢方法真係層出不窮 連冒公交車都諗得出

不過佢價錢都幾合理 8蚊由仙人崖坐返去火車站 雖然比一般公交車貴少少 但勝左夠快

大約半個鐘就返到去市區 最搞笑既係呢架加班車佢會停係D正牌公交車站度搶客

返到去先係4點幾 仲要等到凌晨2點搭火車

唯有走去附近D餐廳hea下 正當諗住去網吧打下機消遣下既時候

我hi 原來大陸D網吧要用內地居民身份證去登記 姐係揸香港身份證既我地無得玩

下次再返大陸都係係出發之前淘定張身份證先lol

當我地周圍9 fing ge時候發現天水d大媽好鍾意夜媽出黎跳舞
真係所有公園都有大媽跳舞!!! 仲要係千人齊跳健康操