經過一日舒適既賓館生活之後,我地又係時候再次起程去青海湖啦,黎緊一連3日我地都會以私家車做交通工具。
我地請左馬師父做我地既包車司父,佢收600蚊一日,唔包佢食住,另外我地要包佢第4日揸番架車返屋企,前後總數一共為2600。
作為一個專業既包車司機,馬師父果然係一個好守時既人。我地約好左一朝早8點半出發,佢8:15已經到左酒店大堂,仲同d人吹住水等我地落樓添。
8:30,我地準時上車。一上車馬師父就展示左佢健談同和藹可親既一面,佢全程係咁同我地r吹,仲送左一盒好好飲既酸奶比我地做見面禮。
然後佢仲教我地地道既青海話:
1) 打揸也lumen呵g San -> 大家好
2) Norman shi xiang gang run -> 我地係香港人
3) Dou lee men jia rao ge 黎liu -> 到你地家玩啦
聰明既我地緊係勁快上手啦,好快我地就講到同地道人一樣咁流利,氹到馬師父勁開心。
點知就係呢個時候, 馬師父有個電話,
馬:賓館話你地有人漏左個袋,入面有成萬蚊喎
6k: shit! 我果陣都覺得有d野無拎走,原來係個腰包!!
老立,joanna同我: !!
結果我地又要折返用個幾鐘番去賓館拎返個腰包然後再出發,來回又哂多我地2個幾鐘。6k, 下次小心d啦。
如是者我地去到青海湖既時間候已經就天黑。馬師父建議我地唔好哂過百蚊入景區睇青海湖,
因為今晚我地住既地方--黑馬河鄉果度都係青海湖邊,果度係免費,而且睇到既湖景都係差唔多。
係揸車既途中不時都會有牛/羊群經過
唉,可惜天公不造美,我地去到既時候果度落大雨。
聽人講青海湖要係天晴睇先靚,而事實證明落雨既青海湖真係同一個普通池塘無咩分別。
不過好彩果度有d人係度放牧,可以近距離見到d羊咩咩都唔錯既。
D羊既咩咩叫聲原來好沉好厚。 睇完之後我地就去左師父朋友開既一間賓館住,房間size OK,
但個廁所真係有d核突,太多積水同裝修既灰泥,不過勝在夠平, 100蚊1晚!
希望聽日可以好天啦。
留言列表