今日係我地成個行程入面第一次全日睇風景。今日既行程都相當緊湊:
茶卡鹽湖 -> 大冬樹山 + 祁連山上的環山公路 -> 宿祁連縣農家樂(經剛察縣)
全日既境點唔多, 但我地要行既路程有成幾百公里, 差唔多圍住個青海湖一周咁行。
講返個青海湖, 原來佢面積有成4個香港咁大!
一路上我地都有D擔心, 因為鹽湖同埋青海湖都係要係天氣好既情況下先靚, 如果個天陰/落雨基本上就同普通湖無分別
好彩天公總算造美, 今日個天雖然唔算好好太陽, 但至少都無落雨, 於是我地出發去睇鹽湖啦!
由於未到6月份既關係, 茶卡入面有個好出名既鹽湖仲未開, 所以我地去左佢格離既另一個鹽湖參觀 入場費係$50 + $10租水鞋費
其中$10水鞋費係強烈建議要比的 唔係既話就無得行落去個鹽湖度影靚相啦!