今日係我地成個行程入面第一次全日睇風景。今日既行程都相當緊湊:
茶卡鹽湖 -> 大冬樹山 + 祁連山上的環山公路 -> 宿祁連縣農家樂(經剛察縣)
全日既境點唔多, 但我地要行既路程有成幾百公里, 差唔多圍住個青海湖一周咁行。
講返個青海湖, 原來佢面積有成4個香港咁大!
一路上我地都有D擔心, 因為鹽湖同埋青海湖都係要係天氣好既情況下先靚, 如果個天陰/落雨基本上就同普通湖無分別
好彩天公總算造美, 今日個天雖然唔算好好太陽, 但至少都無落雨, 於是我地出發去睇鹽湖啦!
由於未到6月份既關係, 茶卡入面有個好出名既鹽湖仲未開, 所以我地去左佢格離既另一個鹽湖參觀 入場費係$50 + $10租水鞋費
其中$10水鞋費係強烈建議要比的 唔係既話就無得行落去個鹽湖度影靚相啦!
經過一日舒適既賓館生活之後，我地又係時候再次起程去青海湖啦，黎緊一連3日我地都會以私家車做交通工具。
我地請左馬師父做我地既包車司父，佢收600蚊一日，唔包佢食住，另外我地要包佢第4日揸番架車返屋企，前後總數一共為2600。
作為一個專業既包車司機，馬師父果然係一個好守時既人。我地約好左一朝早8點半出發，佢8：15已經到左酒店大堂，仲同d人吹住水等我地落樓添。
8：30，我地準時上車。一上車馬師父就展示左佢健談同和藹可親既一面，佢全程係咁同我地r吹，仲送左一盒好好飲既酸奶比我地做見面禮。
然後佢仲教我地地道既青海話：
1) 打揸也lumen呵g San -> 大家好
2) Norman shi xiang gang run -> 我地係香港人
3) Dou lee men jia rao ge 黎liu -> 到你地家玩啦
訓左6、7個鐘頭火車 終於到左青海省的大城市西寧喇!
琴日係我地第一次係呢個Trip入面訓火車 雖然我地買左硬卧 但係同天水果程一樣 硬卧訓落去其實都好舒服
火車入面D野其實都好齊 有洗面間、廁所 周不時仲會有服務員推住架車仔賣各種食品同日用品
落左火車之後 我地第一件事就係要狗衝去今晚會住既賓館 - 藍卡維賓館
呢間賓館係黎緊幾日會同我地一齊玩既包車馬師傅幫我地訂既
馬師傅真係相識滿天下 我地一入到去陣係撻佢個名出黎 一間雙人房即刻變左100蚊一晚 平左成半
間房仲要Quality唔錯 有好大又乾淨既廁所
由於我太懶所以我搵左我助手兼友之一葉生幫手我打blog
哩篇就係佢打既第一篇blog lah~~
(Written By 葉生)
行程：
麥積山石窟 -> 仙人崖 -> 伏羲廟 -> 玉泉觀
終於黎到今次行程既第二站 ﹣ 天水啦！
為左唔會影響行程，我地選擇左坐零晨五點鐘既硬卧火車，車程大約兩個幾鐘
WRITTEN BY 葉生 & Joanna
今日我地行程既豐富又簡單, 就係兵馬俑、兵馬俑同埋兵馬俑啦
點解豐富呢? 因為我地係經過九九八十一劫難先去到呢個離西安市區個零鐘車程既地方
是咁的, 話說今日我地晨咁早就彈起身去西安火車站找公交去兵馬俑啦
點知我地一落車, 就即刻有幾個人圍埋黎(後來知佢地係一夥), 當中有一個大媽係咁一輪嘴同我地講野
佢話佢地有車去兵馬俑同埋其他西安有名既景點(睇佢比我地果張卡片入面一共有6個景點)
入世未深既我地當然不虞有詐, 聽佢地講話係大巴, 咁個價錢又唔貴(15蚊一個)
咁我地心諗就費事再搵公交, 所以就比左錢
比完錢之後佢格離有個後生仔叫我地跟佢走, 果時都覺得有D奇怪
行到一條巷附近, 先發現原來佢用一架私家車車我地去景點, 我HI, 咁咪姐係黑車, 架車仲要真係黑色......
行程：大雁塔北廣場、大雁塔的南廣場 -> 陝西歷史博物館 -> 古城牆 -> 書院門 -> 鐘樓、鼓樓 -> 回民街
由於尋晚好夜先到西安，所以今日實際上係我地第一日既旅程
於是我地就諗住一早起身，一日ko 市內既景點，然後聽日就可以輕鬆去睇兵馬俑
但又由於我地既團友都係瀨床怪，醒目既我硬係一早較定鬧鐘，由8
可惜我其實 6點已經比樓下班hihi嘈醒
我地既青年旅舍位於北廣濟街，樓下係一條美食街
今日係出發去絲路既第一日！！
其實正確d黎講，應該聽日先叫Day 1～
因為我地係夜晚機，所以飛到西安已經夜晚11：30，都唔會去到咩景點lol
上篇提過，因於價錢既關係（話哂係窮遊），所以我地決定由深圳飛去西安（如果由香港飛都幾貴下）
我地好似成世人未去過旅行咁，加上又要預時間過關，
於是我地驚死遲到咁早左勁～多出發
等我講下出發前checklist 啦～
因為我地會玩埋新疆，所以今個trip ge溫差係由3度－65度（火焰山），真係一年4季都比你玩哂
除左背心短褲外，我仲帶左幾件保暖衫褲同暖包
Wohoo~~
Hello 大家好，黎個簡短既自介先！
我叫Joanna～
黎緊會同3條傻西瓜去絲綢之路，話哂成世人流流長都未試過去咁耐旅行，雖然係番大陸(鬼叫你窮？)，但係相信今次既長征一定驚險又剌激!!! 無奶油唔打番個blog記念下既!!!!
(點知大陸翻唔到牆，第一日已經打唔到blog :0) #此blog已完
唔會既!!!!!!
由於我地聽日就出發～咁係出發之前，就等我打下準備心得啦～
詳細既交通同budget, 係 [絲綢前準備 (二)] 會講
首先要plan 路線，我地今次既路程由西安出發，到烏魯木齊，然後再順便玩埋新疆
好喇而家就詳細交代下今次26日絲路既交通(not include包車, 會另外出post) 同budget啦
Budget 方面（每人），
機票 HK$2,600
火車票 HK$3,000
住宿 HK$2,100
食野 HK$2500
景點＋當地交通 HK$4,600
包車 HK$1800
由於計算方法比較複雜，有興趣可以pm
